Бања Лука, 28 ноември 2014 (МИА) - Претседателот на Република Српска Милорад Додик најави дека името на мандатарот за состав на новата влада ќе го соопшти во недела, а локалните медиуми досега неофицијално пишуваа дека тоа ќе биде досегашната премиерка Жељка Цвијановиќ, јави Танјуг.
Додик и денеска ги продолжува консултациите околу составот на новата влада, која, како што се очекува, ќе биде формирана до 20 декември, а денеска ќе разговара со претставници на невладиниот сектор.
Мнозинство во Собранието од 44 пратеници има СНСД на Додик, со коалициските партнери, ДНС и СП, а и претставници на Коалицијата Татковина, која ја предводи Рамиз Салкиќ, изразија желба дека сакаат да учествуваат во работата на новата влада на Репубоика Српска.