Берлин, 31 јануари 2015 (МИА) - Не гледам можност за понатамошно отпишување на долгот на Грција, изјави германската канцеларка Ангела Меркел, пренесува ТАСС.
- Приватните кредитори одбијат да го направат тоа, а банките веќе и простија на Грција неколку милијарди евра долг. Не гледам можност за понатамошно отпишување на долгот, изјави Меркел за весникот „Хамбургер абендблат“. Воедно, таа потсети дека еден од условите за нов пакет финансиска помош за Атина е спроведување реформи во земјата.
- Европа ќе продолжи да покажува солидарност со Грција и други земји кои се сериозно погодени од кризата но само доколку тие земји се погрижат да се спроведуваат реформите, потенцираше канцеларката. - Германија, и другите европски партнери, ќе почекаме и ќе видиме каква програма ќе ни предложи новата грчка влада, објасни таа.