Стразбур, 23 февруари 2015 (МИА) - Шпанскиот европратеник Жорди Себастија од групата на Европската слободна алијанса/Зелени постави упати критики на сметка картата на „дијалектите на бугарскиот јазик во и надвор од гранциите на Бугарија“, која, според кого, промовира застарената ултранационалистичка идеологија.
Како што јави дописникот на МИА од Париз, Себастија бара од Европската комисија да каже дали ги контролира проектите што се финасирани од европските фондови, а кои се спротивни на европските принципи
Тој во пратеничкото прашање упатено до Европската комисија нагласува дека „целиот овој проект“ за дијалектите на бугарскиот јазик во и надвор од границите на Бугарија, „има многу малку врска со науката и јасно ја промовира застарената бугарска ултранационалистичка идеологија“.
Европратеникот согледува дека овој документ издаден од Бугарскара акдемија на науките, „де факто го негира постоењето на македонскиот јазик, односно дека сите Македонци кои го зборуваат македонскиот јазик во Бугарија, Македонија, Грција и Албанија, според студијата всушност зборуваат дијалекти на бугарскиот јазик“. И не само ова, според картата „половина од населението на Балканскиот Полуостров, вклучувајќи и области во Романија, Турција и Србија, зборувале бугарски јазик“, наведува Себастија.
Европратеникот ја прашува Европската комисија, со оглед дека проектот беше првенствено финансиран од Европскиот социјален фонд, дали Комисијата и посебно комесарите, Наврачикс, Хан и Мосоквиси се свесни за содржината на овој проект?
Шпанскиот европратеник понатаму ја прашува Комисијата „дали е прифатливо Европскиот социјален фонд и даночните обврзници на ЕУ да финансираат проекти кои промовираат расизам и нетолеранција, а со тоа се прекршуваат основните принципи на ЕУ“.
Себастија на крајот сака да дознае дали Комисијата врши каква било контрола врз содржината на проектите кои таа ги финансира. Ако е тоа така зошто не успеала да идентификува очигледни контарверзи кои ги предизвика оваа карта, смета европартеникот.
Во одговор на прашањето во писмена форма, еврокомесарката Маријан Тијсен, се оградува од содржината на студијата на тимот на бугарските научници.
- Комисијата би сакала да напомене дека таа е надлежна за евалуација и мониторинг на проектите кофинаисирани од Европските структурни фондови, од аспект на нивното финансиско управување, одговорноста за заклучоците развиени во рамките на овие проекти почива во целост на корисниците и особено на авторите на истражувањето, во случајов бугарскиот тим на научници, наведува Тијсен во одговорот.