Абдула Ѓул нема да се кандидира за пратеник на претстојните избори во ТурцијаАнкара, 26 февруари 2015 (МИА) - Претходниот турски претседател Абдула Ѓул, еден од основачите на владејачката Партија на правдата и развојот (АКП), нема да се кандидира за пратеник на претстојните во јуни парламентарни избори, соопшти портпарол на АКП, пренесува „Хуриет дејли њуз“.
- Од него лично разбравме дека тој нема да биде кандидат на претстојните избори, изјави заменикот претседател на АКП Бешир Аталај.
По напуштањето на функцијата кон крајот на август, Ѓул во повеќе наврати изрази желба да се врати активно во политика, изјавувајќи дека единствената партија во која би сакал да се занимава со политика е АКП.
|