Румјана Бачварова нов министер за внатрешни работи на Бугарија

Софија, 5 март 2015 (МИА) - Бугарскиот премиер Бојко Борисов денеска ја предложи вице-премирката Румјана Бачварова за нов министер за внатрешни работи на Бугарија, по вчерашната оставка на досегашниот министер Веселин Вучков.

Според Борисов, како што јави БТА, Бачварова ќе обезбеди „смирување на состојбите во Министерството и ќе ја задоволи граѓанската квота“. 

Борисов изјави дека вчера „по само пет секунди“ решил да ја прифати оставката што Вучков ја поднесе на седница на Владата, додавајќи дека таа е поднесена во „крајно несоодветен момент“ и била изненадувачка.  

Вучков вчера по поднесувањето на оставката рече дека не е подотвен да ја повлече и дека добро размислил пред да донесе таква одлука.

- Станува збор за лична одлука базирана на сериозни правни аргументи, рече Вучков.