Анкара, 6 март 2015 (МИА) - Обединетите нации немаат јасна стратегија за решавање на сириската криза, изјави турскиот премиер Ахмет Давутоглу по средбата со генералниот секретар на ОН Бан ки-мун.
Давутоглу упати критика до меѓународната заедница поради ситуацијата во Сирија истакнувајчи оти „лесно им е на тие што се во Њујорк да коментираат“ за кризата во Сирија.
Тој посочи дека во Турција има приближно два милиони бегалци од Сирија и оти можен е нов бегалски бран.
- Планот на специјалниот претставник на ОН за Сирија, Стефан де Мистура за запирање на борбите во Алепо е добар, но сириската Влада не се придржува до ветувањата и продолжува со нападите, наведе Давутоглу.