Јункер го поздрави враќањето кон „нормален процес“ во преговорите меѓу Атина и ЕУБрисел, 25 март 2015 (МИА) - Претседателот на Европската комисија Жан-Клод Јункер го поздрави денеска враќањето кон „нормален процес“ во преговорите меѓу Атина и ЕУ за финансиски спас на Грција, што според него отвора пат за поволен резултат и за двете страни.
- Морам да признам дека бев многу песимистички настроен во изминатите неколку недели, бидејќи немаше никаков напредок, но ние сега се вративме кон нормален процес, изјави Јункер во обраќање пред Европскиот парламент во Брисел.
Јункер изрази уверување дека ќе биде постигнато решение, што ќе биде истовремено во корист и за Грција и за ЕУ.
- Грчкиот премиер Алексис Ципрас е подготвен до крајот на неделата или до почетокот на идната недела да претстави дополнителни реформи, кои ги побара од него ЕУ, со цел да обезбеди финансиска помош за земјата, која се соочува со проблеми со ликвидноста, нагласи Јункер.
Според Јункер, согласно постигнатиот договор меѓу Атина и еврозоната, списокот со реформи ќе биде разгледан најпрво од претставниците на меѓународните кредитори на Грција ЕУ, ММФ и ЕЦБ, пред да биде закажана средба на Еврогрупата за разгледување најдобар начин за постигнување на напредок.
|