Женева, 31 март 2015 (МИА) - Според податоци на УНХЦР, вкупно 55.700 Албанци од Косово и од југот на Србија поднеле лани барање за азил, а Германија е прва на листата за „прием“, изјави Вилијам Спајндлер од УНХЦР.
Минатата година бројот на барања за азил во 44 најразвиени држави во светот е зголемен за 45 отсто - најголемо ниво во изминатите 22 години.
- Најмногу пораснал бројот на баратели од Сирија - 150.000, на второ место се азиланти од Ирак и Авганистан - околу 68.700. Албанците од Косово и од југот на Србија се на трето место, изјави тој.
Следуваат азиланти од Еритреја чиј број е двојно поголем отколку во 2013 година - 48.400 барања за азил. Во Германија поднеле барања за азил 173.000 луѓе, а следуваат САД со 121.300 додека Турција е на трето место со 87.800 барања за азил, воглавно од Ирак.