Атина, 20 април 2015 (МИА) - Најмалку три лица загинаа денеска кога брод што превезувал илегални имигранти се насука во близина на грчкиот остров Родос.
Како што јави дописникот на МИА од Атина, за време на спасувачка операција пронајдени се телата на маж, жена и дете, кои паднале во морето и се удавиле.
Грчката крајбрежна стража соопшти дека при операцијата досега се спасени 83 луѓе, од кои 23 се пренесени во болница, а останатите се приведени во локалната полициска станица.
Акција за потрга по уште евентуално преживеани имигранти продолжува.
Според грчките медиум, останува нејасно колку вкупно имигранти имало на бродот, а засега не е позната ни нивната националност.
Годишно десетици илјади илегални имигранти сакајќи да влезат во ЕУ, се обидуваат од Турција преку водите на Егејското Море да стигнат до Грција или некои од грчките острови.