Сараево, 24 април 2015 (МИА) - Во сараевскиот Општински суд минатата година биле поднесени 12.381 тужба против Владата на Кантонот Сараево и доколку се започне со нивна наплата тогаш Кантонот би банкротирал.
Од судот наведуваат дека се решени 6.094 тужби. Голем број од тужбите се однесуваат на непочитување на колективните договори и на повеќе од 10 милиони евра.
Во 2010 година побарувањата кон Кантонот Сараево врз основа на тужби од работно-правен карактер изнесувале над 24 милиони конвертабилни марки (над 12 милиони евра), без судски трошоци и камати.