Турција ја отфрли употребата на терминот „геноцид“ од Путин за маскарот врз Ерменците во 1915 годинаАнкара, 24 април 2015 (МИА) - Турција денеска соопшти дека „ ја отфрла и осудува“ употребата на терминот „геноцид“ од страна на рускиот претседател Владимир Путин за масовното убиство на Ерменците во 1915 година во Османлиската империја, пренесоа британските медиуми, цитирајќи го турското Министерство за надворешни работи.
„Имајќи ги предвид масовните убиства и затворања кои Русија ги спроведувала во Кавказ, Централна Азија и во Источна Европа во текот на минатиот век, ние сметаме дека таа треба да е една од оние земји кои најдобро знаат што е геноцид и какви се неговите правни последици“, се наведува во реакцијата на министерството.
|