Мустафа Акинчи води на претседателските избориНикозија, 26 април 2015 (МИА) - Мустафа Акинчи води на вториот круг од претседателските избори во Турската Република Северен Кипар, признаена само од Турција, по преброени 65 проценти од гласачките ливчиња, соопшти изборната комисија.
Независниот кандидат и некогашен градоначалник на турскиот дел на Никозија, Акинчи од досегашните преброени гласачки ливчиња добил 60,38 проценти од гласовите.
Опонент на Акинчи беше досегашен претседател Дервиш Ероглу.
Главна задача на новоизбраниот лидер на кипарските Турци ќе биде преговорите за обединување на етнички поделениот остров Кипар. Преговорите ќе бидат обновени во мај.
|