Над 30 повредени патници во несреќа на автобус на градскиот превоз во Загреб Загреб, 27 април 2015 (МИА) - Повеќе од 30 патници се повредени, од кои неколкумина потешко, кога утринава во Загреб се судрија патнички автомобил и автобус на градскиот превоз.
Според првичните информации, возачот на автобусот се обидел да го избегне сударот со автомобилот и притоа удрил во столб за јавно осветлување, пренесе агенцијата Хина.
На терен се во тек интервенции на итната медицинска помош и се врши полициски увид.
Индех.хр објави дека, според првични информации, повредени се 30-тина лица, од кои неколку имаат тешки повреди, како и дека автобусот бил полн со патници.
|