Атина, 19 мај 2015 (МИА) – Дипломатски гаф на генералниот секретар на НАТО, пишуваат денеска грчките медиуми за вчерашното обраќање на Јенс Столтенберг на заедничкиот состанок на министри за надворешни работи и за одбрана на ЕУ на кое го употребувал уставното име на нашата земја.
Грчката делегација, во која биле и министрите за надворешни работи Никос Коѕиас и за одбрана Панос Каменос, веднаш реагирала, а постојаниот претставник на Грција во НАТО ќе испрати и протестна нота до генералниот секретар.
„Прото Тема“ иронично забележува дека неколку дена откако прегрнат со Коѕиас играше и ја пееше „We are the world“, Столтенберг четири пати Скопје го нарекол Македонија.
Во Грција исто така се потсетува дека изјавата на Столтенбер доаѓа само еден ден откако поранешната американска државна секретарка Медлин Олбрајт за време на конференција на универзитетот Џонс Хопкинс во Вашингтон, исто така нашата го употребила уставното име – Македонија.
- Прашањето за името сега е најмал проблем, сите и онака го користат името Македонија, ја пренесуваат грчките медиуми изјавата на Олбрајт.