Загреб, 22 мај 2015 (МИА) - Хрватската метеоролошка управа денеска објави „црвен аларм“ во реонот на градот Карловац, поради очекуваните поројни дождови и можна појава на поплави.
Како што јави Танјуг, во исто време Управата објави и „портокалов аларм“ за областите Горски Котар, Лика и Далмација и за реонот на Загреб, каде покрај дождови се очекуваат и силни ветрови и грмотевици.
Според Управата, се очекува врнежите во јужните делови на Хрватска да траат до понеделник, од кога се очекува постепено разведрување, додека во останатите делови на земјата врнежливо време се предвидува за до среда.