Кумановските земјоделци заинтересирани за поддршката за набвавка на механизација

Куманово, 7 јули 2015 (МИА) - Дваесетина земјоделци од Кумановско пројавиле интерес за набавка на механизација од Програмата за рурален развој на огласот отворен од први јули годинава.

Раководителот на подрачната единица Живка Наумова денеска изјави дека мерката позната меѓу  земјоделците како „50-50“ нуди можност за набавка на механизација за стопанствата чија дејност е производство на житни, фуражни и индустриски култури. За да аплицираат, тие мора да бидат запишани во Единствениот регистар на земјоделски стопанства.

- Постои заинтересираност кај земјоделците кои се обраќаат до Агенцијата. Износот на повратните средства е 50 до 75 отсто и зависи од повеќе фактори меѓу кои дали апликацијата ја поднесува млад земјоделец или жена, каква е локацијата, дали е на повисока надморска височина или во населено место со помал број жители, рече Наумова.

Подрачната единица зголемен интерес за поддршка очекува по завршување на жетвата, но, сепак,  апелира земјоделците да не го чекаат последниот рок за пријавување кој трае 60 дена.