Средба на надлежните за регулирање и надзор на финансискиот систем

Скопје, 5 октомври 2015 (МИА) - Во просториите на Народната банка денеска се одржа редовна средба помеѓу високите претставници од институциите кои се надлежни за регулирање и надзор на одделните сегменти од финансискиот систем на Република Македонија - Министерството за финансии, Агенцијата за супервизија на осигурувањето, Агенцијата за супервизија на капитално финансираното пензиско осигурување (МАПАС), Комисијата за хартии од вредност и Народната банка.

Во соопштението од НБРМ се наведува дека на состанокот станува збор за состојбите и главните предизвици во секој од сегментите од финансискиот систем. Притоа, се заклучи дека секој од сегментите е стабилен и непречено функционира и со тоа придонесува за одржување на севкупната финансиска стабилност на Република Македонија.

Беше разговарано и за постигнатиот напредок во унапредувањето на регулативата и стандардите за работење на финансиските институции, во согласност со меѓународните најдобри практики и директивите на Европската Унија.