Индонезија ги намали цените на струјата за производните компанииЏакарта, 9 октомври 2015 (МИА) - Со нов, трет по ред, пакет на економската политика за зголемување на ефикасноста на стопанството, владата на Индонезија реши за 30 посто да ја намали сегашната цена на електричната енергија за компаниите.
Повластената тарифа ќе важи за електричната енергија што ја дистрибуира државната компанија ПЛН, која го има и монополот за продажба на струјата.
Повластената цена се одобрува за компании кои трошат струја со моќност од над 200 киловат ампери, а во првите три години ќе важи за потрошувачката од 23 па до 8 часот.
Следен чекор ќе биде и драстично намалување на цената на струјата и на помалите компании и претпријатијата кои за своето производство не добиваат субвенции од државата.
|