ДС предложи законски измени исклучените граѓани да не плаќаат паушал за парноСкопје, 24 ноември 2015 (МИА) - Павле Трајанов, пратеник и претседател на Демократскиот сојуз, денеска до Собранието на Република Македонија достави Предлог за промена на Законот за енергетика, со кој се предвидува граѓаните кои не користат топлинска енергија за затоплување на становите, да не плаќаат надоместок.
По одржаната средба со претставници од граѓанското здружение „НО ПАСАРАН“ и усогласување на текстот на промените на Законот за енергетика, Законот е доставен во собраниска процедура по скратена постапка.
Текстот на промените, како што соопшти денеска Демократскиот сојуз, гласи: „ Домаќинствата кои немаат склучено договор од член 118 на овој закон или не биле корисници на топлинска енергија или престанале да бидат корисници на топлинска енергија, не плаќаат надоместок.
|