Во Кумановско одобрени дел од барањата за средства за земјоделска механизација

Куманово, 24 ноември 2015 (МИА) - Одобрени се дел од вкупно 35 барања кои земјоделците од Кумановско ги поднесоа за користење средства од Програмата за рурален развој, за набавка на земјоделска механизација, информираа денеска од региналното одделение на Агенцијата за поттикнување и развој на земјоделството.
 
- Дел од земјоделците од Куманово и соседните општини не информираа дека барањата за користење средства кои што тие ги поднесоа по електронски пат се одобрени, изјави раководителот на одделението Живка Наумова.
 
Најзаинтересирани за оваа програма се земјоделците од  Младо Нагоричане, Пчиња, Студена Бара, Којнаре и липковските села.
 
Според Наумова, еднаков е интересот на земјоделците за набавка и на приклучна механизација и трактори.