Во Штип решени поголем број на предмети за приватизација на земјиштето

Штип, 25 ноември 2015 (МИА) - Директорот на Управата за имотно правни односи, Зоран Крстановски денеска изврши увид во работењето на подрачната единица за имотно-правни работи во Штип и оствари средба со градоначалникот на Општина Штип, Илчо Захариев.

Крстановски нагласи дека е задоволен од работењето на подрачното одделение за имотно-правни работи во Штип, со оглед на бројот на решените предмети.

- Од она што можев да го забележам сум задоволен од постигнатите резултати, споредбено со она што беа констатирани одредени состојби при изминатата контрола, каде што имаше поголем број на предмети, каде што имаше несредена архива, сега состојбата е значително подобрена. На ниво на ова одделение во кое што имаше поднесено 16.900 барањата за приватизација, веќе во постапка за одлучување се уште 3.000 предмети, со тоа што да кажам дека околу 5.800 предмети се дадени, распоредени во други подрачни одделенија со помал обем на работа, вели Крстановски.

Градоначалникот на Штип, Илчо Захариев истакна дека соработка со Управата за имотно правни работи е одлична, а тоа, подвлече, се гледа во брзината на одговорените барања кои ги има доставено општината до Управата за имотно правни работи.