Бугарија годишно ја напуштаат по речиси 1.000 медицинси сестриСофија, 25 ноември 2015 (МИА) - Во последниве 25 години Бугарија ја напуштиле над 24.000 медицински сестри и техничари, што значи дека годишно од земјата во просек си заминуваат по речиси 1.000 од нив, изјави денеска претседателот на Бугарската асоцијација на специјалисти за здравствена заштита, Милка Василева.
Според Василева, само од почетокот на годинава Асоцијацијата издала 498 уверенија, кои медицинските сестри и техничари вообичаено ги бараат кога сакаат да ја напуштат земјата и да работат во странство.
Васиелва нагласи дека во моментов во Бугарија за 30 болни се грижи по една медицинска сестра или медицински техничар, што е далеку под просекот во ЕУ.
- Колку и да сме милосрдни, тоа не може да оди до бескрај, изјави Василева, додавајќи дека Бугарија се соочува со недостиг на акушерки и медицински лаборанти.
|