Во Гевгелија во продолжениот рок поднесни 45 барања за легализација на дивоградби Гевгелија, 5 февруари 2016 (МИА) - Во втората половина од јануари поднесени се нови 45 барања за легализација на бесправните градби, согласно законски продолжениот рок за пријавување до крајот на март, информираа денеска од одделението за урбанизам на општина Гевгелија.
Во однос на поднесените барања, градоначалникот Иван Франгов побара од Комиијата за легализација да изврши контрола на терен, посебно да поведе сметка и точно да утврди кои од барањата за легализација се однесуваат на бесправни градби почнати пред 3 септември 2011 година заради поголема контрола и санкционирање на оние кои се почнати по споменатиот рок.
Од првично пријавените 4.120 барања за легализација на бесправните градби, општина Гевгелија решила повеќе од половината, а другите сеуште не се решени поради некомплетна документација или неплатен комунален надоместок.
|