Кинеските девизни резерви се намалени за околу сто милијарди долариПекинг, 8 февруари 2016 (МИА) - Девизните резерви на Кина се намалени до ниво, кое не е забележано веќе четири години, соопшти Кинеската народна банка.
Девизните резерви на Кина минатиот месец се намалени за 99,5 милијарди долари на 3,2 билиони долари. Тоа е најниската вредност од мај 2012 година.
Стравувањата за состојбата на кинеската економија ја намали вредноста на националната валута, која го достигна најниското ниво во изминатите пет години.
Централната банка продава долари за да го поддржи јуанот во период кога државата се обидува да го запре масовното истекување на капиталот од Кина.
|