Реконструирана улицата „Боро Хаџиески“ во СтругаСтруга, 11 февруари 2016 (МИА) - Целосно е реконструирана улицата „Боро Хаџиески“ во Струга во должина од 200 метри.
Согласно проектот, како што информира општинскиот портпарол Роланд Амзаи, целосно бил ископан стариот асфалт и поставен е нов. На едната страна поставен е тротоар во должина од околу 100 метри, за непречено движење на пешаците.
Со одлука на општинскиот Совет, минатата година, оваа улица беше трансформирана во еднонасочна и стана една од најпрометните во градот.
- Ова е една од најфрекфентните улици во Струга, по одлуката за еднонасочен сообраќај. Со нејзиното реконструирање ќе се овозможи поголема безбедност за возачите но и за пешаците, имајќи го предвид фактот дека во близина се наоѓаат двете средни училиште и тука поминуваат учениците, изјави Амзаи.
Општина Струга најави санирање и асфалтирање повеќе улици низ градот.
|