Грција: Постигнат е важен напредок за договорот за финансиската помош Атина, 28 април 2016 (МИА) - Кредиторите на Атина соопштија денеска дека е постигнат важен напредок во преговорите со грчките власти по прашањето за исполнувањето на договорот за финансиска помош, кој може да го отвори патот за дискутирање по прашањето за одржливоста на грчкиот долг, пренесува БТА.
Институциите ЕК, ЕЦБ, ММФ и ЕУ соопштија денеска дека ќе продолжат да работат со грчките власти и земјите членки на завршните елементи од сеопфатен пакет, со кој треба да биде затворен првиот преглед на третата спасувачка програма на Грција.
|