„Пиреус Банк“ банкарски партнер на ТАП во ГрцијаАтина, 25 мај 2016 (МИА) - Грчката „Пиреус Банк“ денеска соопшти дека ќе биде банкарски партнер на Трансјадранскиот гасовод (ТАП) во Грција, и оти преку неа ќе оди плаќањето на надоместоците за сопствениците на земјиште низ кое ќе поминува гасоводот, јави дописникот на МИА од Атина.
Во соопштението, банката инфомира дека нејзината соработка со ТАП започнала на почетокот од 2015 година, кога „Пиреус“ победи на тендер за плаќања поврзани со гасоводот во Грција.
Јорго Јоргопулос, заменик генерален директор на „Пиреус Банк“, коментирајќи го договорот, изјави дека сите вработени во банката се многу горди што ќе придонесат во спроведувањето на „овој многу значаен проект за развој во Грција“.
|