ММФ нема да учествува во финансирањето на грчката програма

Вашингтон, 25 мај 2016 (МИА) - Меѓународниот монетарен фонд (ММФ) во актуелната ситуација не е подготвен финансиски да се приклучи кон грчката програма заедно со Европска унија и очекува поконкретни ангажмани за олеснување на долгот, изјави висок претставник на ММФ.

Тој наведе дека највертојатно тоа ќе стане возможно до крајот на годината.

По неколку месечен прекин Еврогрупата вечерва се договори за втората транша во висина од 10,3 милијарди евра за Грција во рамките на планот за спас одобрен минатото лето. Министрите за финансии од еврозоната се согласија да преземат дополнителни мерки за олеснување на долгот до 2018 година.

ММФ соопшти дека нема да учествува во финансирањето на планот за спас пред да добие повеќе гаранции за мерките за олеснување.