Голем интересот за субвенции кај велешките земјоделциВелес 31 мај 2016 (МИА) - Во велешката Подрачна единица на Министерсвото за земјоделство, шумарство и водостпанство во тек е поднесувањето барањa за земјоделски субвенции по различни основи. Пријави поднесуваат земјоделците од Општина Велес и Општините Градско и Чашка, а рокот е до 30 јуни. Како што информира за МИА Вили Бочваров, најголем интерес има за одгледување житни култури, овоштарство, лозарство и сточарско производство. - Во тек е и поднесување барање за субвенции за млекопроизводство. Досега барања поднеле 150 производители, а рокот е до 20 јуни, информира Бочваров. Минатата година барања за субвенции поднеле околу 3.500 земјоделци. Во 2016-та се очекува поголем број.
|