Токио, 24 јуни 2016 (МИА) - Курсот на еврото во однос на јенот падна денеска на најниско ниво од јануари 2013 година, како последица на резултатите од референдумот во Велика Британија, јави ТАСС.
Кон 10:15 часот според времето во Токио, едно евро се разменуваше за помалку од 115,5 јени, што е речиси за три јени помалку во однос на втората половина од вчерашниот ден.
Истовремено, британската фунта падна на најниско ниво од 2013 година.
Пред референдумот во Велика Британија, Министерството за финансии на Јапонија им даде инструкции на водечките банки во земјата да подготват резерви со девизи во случај на нагли промени на странските валути.
