Се реконструира училиштето „Илинден Мождивњак 2“ во Крива ПаланкаКрива Паланка, 22 јули 2016 (МИА) - Освен реконструкција на централното училиште „Илинден“ во Крива Паланка, се прави комплетна промена на постоечкиот објект на подрачното училиште „Илиден Мождивњак 2“ во село Мождивњак. Реконструкцијата ќе опфати промена на столаријата, замена на подови, нова канцеларија за наставници.
- Деновиве започна градежна експанзија во подрачното училиште „Илиден Мождивњак 2“ во село Мождивњак. Ќе биде извршена комплетна промена на столаиријата, ќе се изврши промена на подовите, а ќе биде и поставена нова фасада со пресуван стиропор. Исто така, планирана е и изградба на нова канцеларија за наставници, изјави директортот на ООУ „Илинден“, Оливер Дејановски.
Тој додаде дека инфраструктурните промени ќе бидат завршени до први сепември, па, учениците ќе имаат можност да учат во подобри и поквалитетни училишни простории.
За овие реконструктивни зафати се обезбедени два милиона и двесте илјади денари од Минстерството за образование на Република Македонија.
|