КХВ на „Халк банка" и ја одобри 12. емисија на акции

Скопје, 26 јули 2016 (МИА) - Комисијата за хартии од вредност (КХВ) на денешната седница на „Халк банка " АД Скопје и ја одобри 12. емисија на акции по пат на приватна понуда.

Со тоа „Халк банка" АД Скопје ќе издаде 73.949 обични акции со номинална и продажна вредност од 10.000 денари по акција или со вкупен износ на емисијата од 739.490.000 денари. Зголемувањето на основната главнина со нови парични влогови се врши за познат купувач - институционалниот инвеститор „Turkiye Halk Bankasi Anonim Sirketi" од Република Турција.

КХВ даде согласност Сашо Дракуловски и во наредните четири години да биде именуван за директор на брокерската куќа „Еурохаус" АД Скопје, а издаде и една и обнови две лиценци за инвестициски советници.