Германија одобри 50 милиони евра за далноводот Албанија-Македонија

Тирана, 26 јули 2016 (МИА) - Албанскиот министер за енергетика и индустрија Дамијан Ѓикнури и германската амбсадорка во Албанија, Сузане Шулц денеска во Тирана потпишаа договор за финанисирање на 400 киловолтниот далновод Албанија-Македонија.

- Сега се обебезбедени сите потребни финансиски средства за изградба на овој далновод. Првиот дел се германски кредит во износ од 50 милиони евра, додека 14 милиони евра се грант од ЕУ, изјави Ѓикнури по потпишувањето на договорот.

Проектот, според Ѓикнури, опфаќа интерконективно поврзување со Македонија и изградба на две станици,во Фиер и Елбасан.

Амбасадорката Шулц изјави дека со овие финаниски средства ќе се гради првиот сегмен, за што се одобрени 30 милиони евра, додека остантите 20 милиони евра ќе бидат трансферирани по летните одмори.

Интерконективната линија Елбасан-Битола, ќе биде прво енергетско поврзување меѓу Албанија и Македонија. Изградбата е предвидено да почне во првата половина од 2017 и да заврши во 2020 година.