Резултатите од претседателските избори во САД се знак за зголемено непријателство кон слободната трговија, кое се заканува да ја загрози светската економија, предупреди претседателот на Перу, Педро Пабло Кучински.
На отворањето на самитот за економска соработка на Азија и Пацификот (АПЕК), перуанскиот претседател истакна дека во последните две години светската размена забележала стагнација и ќе биде уште полошо доколку нациите ги затворат своите економии.
- Од фундаментално значење е светската размена повторно да почне да забележува раст, а протекционизмот да биде поразен, нагласи Кучински.
Тој зборувал за резултатите од американските избори, но не го споменал победникот Доналд Трамп.
Кучински оценил и дека референдумот во Велика Британија, на кој е изгласан Брегзит, е доказ дека „протекционистичките тенденции го преземаат светот“.