Атина, 14 декември 2016 (МИА) - Акциите на Атинската берза паднаа за повеќе од три отсто, откако министрите за финансии од еврозоната ги суспендираа мерките за ублажување на долгот на Грција како одговор на поголемите издвојувања за пензии најавени од страна на грчкиот премиер Алексис Ципрас.
Атинската берза заврши денеска со тргувањата во минус од 3,21 отсто, на 619,19 поени, откако портпаролот на еврозоната изјави дека ограниченото зголемување на пензиите и даночните олеснувања која ги најави грчката Влада, не се во состав со аражманот кој Атина го има со еврозоната, јави Танјуг.
- Институциите заклучија дека акциите на грчката Влада не се во склад со нашиот аражман, изјави портпаролот на шефот на Еврогрупата Јерун Дајселблум.
- Во моментов не постои согласност за имплементација на краткорочни мерки за ублажување на долгот, додаде тој.