Највисока просечна плата во регионот според најновите податоци, во минатата година е исплатена во Словенија – 1.020,40 евра, а најниска во Македонија, само 363,80 евра.
Просечната плата во Хрватска е 749,70 евра, во Црна Гора 503 евра, во БиХ 428 евра, во Србија 369,70 евра, се вели во анализа на Анадолија.
Според анализата, освен што е најмала во регионот просечната плата во Македонија лани е помала за 9,20 евра, во споредба со крајот на 2015 година, односно на почетокот на минатата година.
Константен раст е регистриран кај просечната плата во Црна Гора – зголемување за 13 евра.
Во Хрватска и БиХ просечната плата е намалена за 12,3 односно 2,5 евра.
Минатата година најголемо зголемување на просечната плата е регистрирано во Србија (во споредба со 2015 година). Таму просечната плата е зголемена за 42,70 евра, но е покрај тоа е меѓу најниските во регионот.