Глобалниот долг и ризичните кредити би можеле да го фрлат светот во уште една финансиска криза, изјави германскиот министер за финансии во заминување, Волфганг Шојбле.
- Економистите ширум светот се загрижени за зголемените ризици кои произлегуваат од акумулацијата на постојаното зголемување на ликвидноста и растот на јавниот и приватниот долг. И јас поради тоа сум загрижен, рече Шојбле во интервјуто за „Фајненшал тајмс".
Шојбле, кој новата германска влада го планира за функцијата претседател на Бундестагот, предупреди за формирање на нови пазарни балони, поткрепени со парите кои во стопанството ги напумпале централните банки.
Тој, исто така, предупреди на потенцијалните слабости во еврозоната, бидејќи банките се мачат со решавање на проблемот со лоши заеми.
Инаку, Шојбле денеска, за последен пат, ќе учествува на состанокот на министрите за финансии на Еврогрупата.