Меѓународната агенција за кредитни рејтинзи „Стандард и Пурс“ денеска објави анализа за грчките банки во 2018 година, во која проценува дека грчкиот банкарски систем ќе продолжи да ја подобрува својата ликвидност, но дека се уште има доста работа.
Грчките банки се најдоа на работ на колапс во текот на финансиската криза, кога штедачите повлекоа околу 100 милијарди евра депозити, безмалку преполовувајќи го банкарското салдо од 2009 до 2012 година.
Весникот „Катимерини“ пренесува извадоци од анализата во која се посочува дека ненаплатливите „лоши“ кредити ќе останат сериозен проблем за банкарскиот сектор во следните две до три години.
Дури 51,6 проценти од кредитите се дадени на граѓани и компании кои имаат потешкотии со редовното враќање на ратите, пишува „Катимерини“.