Вашингтон, 14 април 2014 (МИА) - Украина е подготвена да плати за увезениот украински гас по 386 долари за 1.000 кубни метри, што е под бараната цена од Русија, изјави Гувернерот на украинската централана банка Степан Кубиев.
Кубев, кој се наоѓа на пролетна средба на управните совети на Меѓународниот монетарен фонд и Светската банка во Вашингтон, истакна дека Украина ќе ги плати сите долгови. - Украина секогаш ги отплаќала своите кредити навреме, истакна тој.
Претходно овој месец, Русија ја зголеми цената на рускиот гас за Украина за 80 проценти, достигнувајќи 485 долари за 1.000 кубни метри. Москва, исто така, објави дека Киев и должи 2,2 милијарди долари.
Гувернерот на украинската централна банка изрази увереност дека неговата земја располага со доволно ресурси, за да ги заврши пазарните реформи. - Економските реформи и инвестициската активност, плус двегодишната програма на ММФ, значат дека ќе имаме доволно средства, истакна Кубиев.