Подгорица, 14 април 2014 (МИА) - Американското списание „Дејли мил“, специјализирано за храна тврди дека Црна Гора експлицитно одбила отворање на „Мекдоналдс“ на своја територија.
- Мекдоналдс можете да го најдете во близина на затворот Гвантанамо на Куба, среде пустината Негев во Израел, под Музејот на комунизмот во Прага, па дури и во стариот приземјен авион на Нов Зеланд. Во одреден број земји ширум светот, главно во Африка и средна Азија, Мекдоналдс треба да отвори свои ресторани, наведено е во текстот на „Дејли мил“ под наслов „Десет земји кои го забранија Мекдоналдс“.
Сепак, неколку земји, меѓу кои и Црна Гора, кои се спротивставија на големите глобални брендови, не дозволувајќи им да доминираат на пазарот, одлучија да кажат „не“ на фаст фуд гигантот, пишува списанието.
„Дејли мил“ пишува дека пред нешто повеќе од десет години, Мекдоналдс бил присутен во црногорскиот главен град за време на летото, со мал мобилен ресторан.