Германската економија предупреди на опасност од санкции кон РусијаБерлин, 16 април 2014 (МИА) - Заострувањето на ситуацијата во Украина и зголемувањето на кризата ја алармираше германската економија, чии претставници предупредија на опасност од зајакнување на санкциите против Русија и повикаа на разумност, а од рускиот претседател Владимир Путин побараа да покаже јасни знаци за деескалација на ситуацијата.
Претседателот на Одборот за исток на германската економија Рајнер Линднер и шеф БАСФ Курт Бок предупредија на сложеност на ситуацијата. Бок, лидерот на најголемиот хемиски концерн во светот, изјави дека тој што ќе донесе санкции против Русија, мора да размисли за трошоците, користа од таквата одлука и да се запраша кој најмногу ќе плати.
Германската индустриска и стопанска комора од Путин побара умерено да делува на тензичната ситуација во источниот дел на Украина и да покаже јасни сигнали за деескалација на судирот.
|