Скопје, 1 август 2014 (МИА) - Министерството за финансии денесека исплати 199,1 милиони денари субвенции на 13.781 земјоделци по основ повеќе мерки.
За обработлива површина поледелски култури исплатени се 67.674.764 денари на 3.412 земјоделци.
За градинарско производство на отворено и под пластеници исплатени се 29.416.167 денари на 1.540 земјоделци.
За обработлива земјоделска површина со добиточна храна исплатени 9.948.594 денари на 4.734 земјоделци.
Реализирана е и исплата по мерката одржување на овошни насади во износ од два милона денари, одржување на лозови насади во износ од 3,6 милиони денари и продаден сиров тутун од реколта 2012 во износ од 1,66 милиони денари.
Во рамки на мерките за поддршка на сточарството направени се вкупни исплати од 85 милиони денари. По мерки, исплатени се 56.879.760 денари на 2.233 земјоделци за одбележани грла говеда и 25.729.900 денари на 1.175 земјоделци за задржано јагне. Исплатени се и 1,1 милион денари за мерката основани стада за производство на говедско месо, како и 1,3 милиони денари за добиено теле со вештачко осеменување.
Владата и Министерството за финансии продолжуваат со поддршка на земјоделството преку исплата на субвенции за стимулирање на оваа носечка економска гранка.