СДСМ: Зголемувањето на пензиите ќе биде незначителноСкопје, 31 октомври 2014 (МИА) - СДСМ обвини дека со измените на Законот за пензиско и инвалидско осигурување се укинати законските одредби за усогласување на висината на пензиите со трошоците на живот и оти со ова укинување најавеното зголемување од пет проценти ќе биде незначително.
- Со ова укинување на законското усогласување на пензиите зголемувањето ќе биде незначително. Ако се земе во предвид постојаниот пораст на цените и планираната инфлација од два проценти за наредната година, повеќе од јасно е дека пензионерите не добиваат речиси ништо, рече Јулијана Силјановска, член на партиската Комисија за труд и социјална политика.
Таа додаде дека покрај одредбата за зголемување на пензиите за пет проценти, требало да остане и усогласувањето за висината на пензиите.
Според партијата, пензионерите ќе бидат оштетени за две години бидејќи усогласување не е направено ниту за 2014 година.
|