Скопје, 20 ноември 2014 (МИА) - Бројот на патници на македонските аеродроми во октомври бележи зголемување за 19,8 проценти. Според информациите на Министерството за транспорт и врски, во октомври на аеродромите се евидентирани 109.811 патници, од кои 107.668 на скопскиот „Александар Велики“ што е за 21,1 отсто повеќе од октомври лани.
Најголемиот дел, односно 15,8 проценти патувале за Истанбул, 8,4 за Виена, 7,9 за Цирих, 5,7 проценти за Лондон, 5,7 проценти за Базел, 5,6 проценти за Малме и за Белград 5,2 проценти.
Од почетокот на годината на двата аеродрома, во Скопје и во Охрид, се регистрирани вкупно 1.098.636 патници што е за 18,1 отсто повеќе во однос на минатата година.