Прага, 17 декември 2014 (МИА) - Тековните економски проблеми на Русија според чешкиот претседател Милош Земан се потрес, кој може да се надмине.
Земан смета, дека на земјата, не и се заканува дестабилизација и напротив верува во стабилизација на Украина, јави дописникот на МИА од Прага.
Украинскиот конфликт, чешкиот претседател повторно го опиша како граѓанска војна. Тој потсети дека Русија веќе помина една криза во 1998 година.
Земан смета, дека Украина останува неутрална членка и покрај амбицијата да се приклучи кон НАТО.
Чешка, според него треба да ја поддржи стабилизацијата на Украина и продолжувањето на мировните преговори.
За ситуацијата во Украина, Земан исто така, сака да разговара со украинскиот претседател Петро Порошенко, кој наскоро ќе ја посети Чешка.
Рубљата од почетокот на годината изгуби повеќе од 50 отсто од својата вредност, а во последните денови нејзиниот пад е драматично забрзан. На повеќето од чешките фирми, падот на рубљата не влијае премногу, со оглед на тоа што повеќето од нив со руските партнери тргуваат во евра или долари.
Но речиси сите компании имаат стравувања од идниот развој и намалувањето на куповната моќ на Русија .