Пријавување на штетите од поплавите во Старо НагоричанеКуманово,27 февруари 2015 (МИА) - Жителите кои претрпеа штети од поплавите во општина Старо Нагоричане од денеска можат да достават барање до општинската комисија формирана за проценка на штетите. Општинската комисија ќе ги прима барањата секој работен ден од 8 до 16 часот. При поднесуавње на барањата, информираат од Општината, задолжително треба да се достават и имотен лист, документ за идентификација, трансакциска сметка и евентуални фотографии од оштетените објекти или земјоделски површини. Рокот за пријавување на штетите завршува на 10 март годинава.
|