Во Богданци презентирана работата на Агенцијата за храна и ветеринарствоБогданци, 4 март 2015 (МИА) - Граѓаните и компаниите од земјоделско прехранбениот сектор од Богданци денеска во рамки на отворените денови на Агенцијата за храна и ветеринарство имаа можност да се запознаат со работата на агенцијата.
- Целта на отворените денови е да се запознаваме на лице место со проблемите што ги имаат граѓаните и компаниите во однос на ингеренциите на Агенцијата. Покрај ова, сакаме да се видиме со реалниот сектор, да ги слушнеме нивните проблеми и потреби, како и сугестиите кои би ни помогнале во понатамошното работење, изјави Зоран Поповски, директор на Агенцијата за храна и ветеринарство.
Присутните на средбата во Богданци имаа можност да побараат стручна помош и да добијат информации за прашања од доменот на работата на Агенцијата за храна и ветеринство.
Отворени денови на Агенцијата за храна и ветеринарство денеска се одржаа и во Валандово и Радовиш, а како што информира директорот Поповски, секоја недела ќе се посетуваат по неколку градови.
|