Атина, 5 март 2015 (МИА) - Грција ги продолжува до јуни тендерите за приватизација на пристаништата во Пиреја и Солун, а исто така и на железничкиот оператор ТРЕНОСЕ.
Продолжувањето на рокот на тендерите било побарано од заменик-министерот за финансии Надиа Валавани, која е одговорна за Грчката агенција за приватизација.
Министерот за финансии Јанис Варуфакис како одговор на прашањето за приватизација изјави дека започнати законски процедури ќе продолжат.
- Во Владата нема догматици и државата планира да ги продолжи сите приватизациски процедури, кои се веќе почнати и кои се во интерес на општеството и создаваат перспективи за добивка, особено во секторите од економијата, во кои државата не може да инвестира, додаде Варуфакис.