Во јануари издадени 236 одобренија за градбаСкопје, 6 март 2015 (МИА) - Во јануари годинава во Македонија се издадени 236 одобренија за градење, што е за 68,6% повеќе во однос на истиот месец од претходната година, соопшти Државниот завод за статистика.
Според издадените одобренија за градење, предвидената вредност на објектите изнесува 1.578.227.000 денари и е за 35,8% помалку во однос на јануари лани.
Од вкупниот број издадени одобренија за градење, 153 (64.8%) се наменети за објекти од високоградба, 26 (11%) за објекти од нискоградба и 57 (24,2%) за објекти за реконструкција.
Од вкупно 236 објекти, на 166 (70,3%) како инвеститори се јавуваат физички лица, а на 70 објекти (29,7%) инвеститори се деловни субјекти.
Во извештајниот период е предвидена изградба на 383 станови со вкупна корисна површина од 35.209 метри квадратни.
|