Атина, 27 март 2015 (МИА) - Владата на Грција планира да се откаже од спроведување нови приватизации, изјави грчкиот министер за економија, инфраструктура, трговска морнарица и туризам Јоргос Статакис.
- Планираме да не вршиме нови приватизации, изјави Статакис по средба со британскиот амбасадор во Атина, Џон Кирмар.
Статакис го информирал британскиот дипломат за приоритетите на неговото Министерство, за идејата за создавање национална стратешка референтна рамка, како и за плановите за приватни и јавни инвестиции.
Според грчките медиуми, Статакис нагласил дека една од основните цели на неговото Министерство е пронаоѓање на нови извори за финансирање на инфраструктурни проекти.